Robert Lewandowski është shprehur shumë i lumtur me rekordin e vendosur në Bundesliga.Ylli polak i Bayern Munich ka shkruar historinë me golin e realizuar mbrëmë, duke tundur rrjetën në 9 ndeshje radhazi.
Lewa ka thyer rekordin që mbahej nga Pierre Emerick Aubameyang, i cili me Dortmund shënonte në tetë ndeshje radhazi. Pas këtij rekordi, ylli polak është shprehur shumë i lumtur, duke vënë synimet edhe më larg. “Unë gjithmonë mundohem të jap më të mirën, të performojë me aftësitë më të mira” ka thënë Lewa pas ndeshjes, transmeton lajmi.net.
“Jam i lumtur që kemi fituar. Dua të ndihmojë skuadrën me gola, me lojën time, me lëvizjet e mia” ka shtuar polaku. Lewandowski do të ketë mundësi të shkoj në 10 ndeshje radhazi duke shënuar, në rast se një gjë të tillë arrin ta bëjë kundër Frankfurt në xhiron e ardhshme.
