Ministri i Brendshëm Sandër Lleshaj, përmes Twitter-it është shprehur se operacioni policor “Laboratori” është një tjetër goditje kundër krimit të organizuar.
Lleshaj shton se shqiptarët i kanë të hapura rrugët për udhëtim të ligjshëm jashtë vendit, por kërkohet kujdes për të mos rënë në rrjetet e trafikantëve.
Lleshaj: Operacioni policor “Laboratori” është një tjetër goditje kundër krimit të organizuar, i cili përpiqet të nxisë kalimin e paligjshëm të qytetarëve drejt vendeve perëndimore, duke nxjerrë përfitime financiare dhe duke dëmtuar rëndë interesat e tyre dhe të gjithë shoqërisë. Qytetarët shqiptarë i kanë rrugët hapur për udhëtim të ligjshëm jashtë vendit, ndaj kërkohet kujdes për të mos rënë në rrjetet e trafikantëve. Agjencitë përgjegjëse do ta thellojnë punën për të goditur në themel të gjitha rrjetet kriminale që veprojnë në këtë fushë, ku bashkëpunimi i qytetarëve është i domosdoshëm dhe krejtësisht edhe në favorin e tyre.
