Ministri i Brendshëm Sandër Lleshaj ka reaguar ndaj akuzave të ish-kryeministrit Sali Berisha se pasardhësi i tij, Edi Rama i ndaloi fishekzjarrët nga frika se mos studentët apo qytetarë të revoltuar gjuajnë me fishekzjarre ndaj tij.
Ministri i Brendshëm Sandër Lleshaj ka reaguar ndaj akuzave të ish-kryeministrit Sali Berisha se pasardhësi i tij, Edi Rama i ndaloi fishekzjarrët nga frika se mos studentët apo qytetarë të revoltuar gjuajnë me fishekzjarre ndaj tij.
“E verteta eshte se ato u ndaluan ne Shqiperi jo per shkak te plagosjes ne dy gishtrinjte e njeres dore te oficeres se policise, sepse çdo vit ne urgjencat e spitaleve jane mjekuar qytetare te plagosur nga perdorimi i pakujdesshem i fishekzjarreve, por ato ndalohen vetem e vetem nga frika se mos studentet apo qytetare te revoltuar gjuajne me fishekzjarre Edvin Kistaq Frikacakun dhe ky eshte nje akt i turpshem amoral, me te cilin ai per te qetesuar tmerret e tij te brendshme shpirterore u prish festen e Krishtlindjes dhe Vitit te Ri femijeve dhe familjeve shqiptare,”-shkruan Berisha.
Postimi i plotë i Berishës:
Më anë të një statusi në Twitter, Lleshaj sqaron ish-kryeministrin se ndalimi i përdorimit të lëndëve të rrezikshme piroteknike është shërbim ndaj sigurisë publike dhe jetës njerëzore.
“Ithtarët e eksplozivëve duhet të kuptojnë se në vendet normale, festat nuk bëhen as me shpërthime as me armë,”- shkruan Lleshaj.
Postimi i plotë i Lleshaj:
Ndalimi i përdorimit të lëndëve të rrezikshme piroteknike është shërbim ndaj sigurisë publike dhe jetës njerëzore. Ithtarët e eksplozivëve duhet të kuptojnë se në vendet normale, festat nuk bëhen as me shpërthime as me armë.
Më 18 dhjetor nga tre ministritë (Ministri i Brendshëm, Ministri i Mbrojtjes dhe Ministria e Financave) u firmos urdhëri për ndalimin e hedhjes në treg të lëndëve piroteknike dhe fishekzjarreve, të cilët përbëjnë një rrezikshmëri të lartë për përdorimin në masë të gjerë në publik.
Ndërkohë nga autoritetet përkatëse të Policisë së Shtetit kanë filluar kontrollet në bizneset dhe në tregjet që prej fillimit të muajit dhjetor.
ke.mu.
