Është shpallur fajtor për vrasje suedezi Anis Hemissi, i cili në dhjetor të vitit 2019 qëlloi për vdekje shqiptarin Flamur Beqirin në pragun e shtëpisë së tij në jug-perëndim të Londrës, në sy të bashkëshortes dhe djalit tyre 2-vjeçar në prag të Krishtlindjeve 2019. Beqiri, vëllai i yllit të The Real Housewives of Cheshire, Misse Beqiri, ishte një person me precedent penal dhe i përfshirë në trafikimin e drogës.
Anis Hemissi, 24 vjeç, u shpall fajtor sot për vrasjen e Beqirit si dhe posedim të armës së zjarrit pas një gjyqi dy mujor në gjykatën e Londrës jugore. Hemissi, një kikboksier profesionist, e v rau me tetë plumba nga pas shqiptarin Flamur Beqiri. Beqiri e kishte blerë shtëpinë e tij në një zonë të shtrenjtë të Londrës për 1 milionë sterlina.
Ai ishte martuar prej një viti me Deborah Krasniqin në një ceremoni luksoze në liqenin Komo në Itali. Beqiri, me shtetësi suedeze dhe shqiptare, pretendonte se ishte në industrinë e muzikës. Megjithatë ai ishte pjesë e tr afikut të drogës nga Spanja dhe ishte arrestuar disa herë. Shkak për vrasjen e tij është bërë prishja e pazareve të drogës. Burimi: The Guardian |
