Me rastin e 75-vjetorit të çlirimit të kampit nazist të përqendrimit në Aushvic, presidenti francez, Emmanuel Macron deklaroi sot se antisemitizmi po ringjallej në një mënyrë të patolerueshme.
“Të gjithë e vënë re këtë përhapje të keqe, edhe nëse ajo vesh të njëjtën maskë si gjithmonë apo maskën e re të urrejtjes islamike të antisionizmit”, deklaroi Macron në memorialin e Holokaustit në Paris.
“Ne do të jemi të palëkundur në luftën kundër antisemitizmit”, u zotua ai, një ditë pasi shifrat zyrtare publikuan një rritje me 27% nga viti në vit të akteve antisemite dhe një rritje me 130% të veprimeve raciste dhe ksenofobike vitin e kaluar në Francë. atsh
