Agjencia turke për Menaxhimin e Katastrofave dhe Emergjencave (AFAD) njoftoi se si pasojë e tërmetit me magnitudë 6,8 ballë që ndodhi të premten e kaluar me epiqendër në Elazig të Turqisë, kanë humbur jetën 39 persona, ndërsa janë shpëtuar nga rrënojat 45 të tjerë.
Në një deklaratë të bërë nga AFAD thuhet se si rezultat i aktiviteteve të kërkim-shpëtimit të kryera nën koordinim të AFAD-it, deri më tani janë shpëtuar 45 persona nga rrënojat, ndërsa kanë humbur jetën 39 të tjerë.
Në rajon janë dërguar 24 402 tenda, 26 501 shtretër, 62 963 batanije dhe 3 651 ngrohës si dhe janë shpërndarë ushqim për qytetarët e prekur nga tërmeti.
Ndërkohë pas tërmetit 6,8 ballë në rajon kanë ndodhur 948 dridhje toke prej të cilëve 21 me magnitudë mbi 4 ballë.
