Categories Lajme

“Makina e ngriti vajzën në ajër”/ Flet shoferi i “Porsche”-s që u akuzua gabimisht si shkaktar i aksidentit: Autobusi më shtyu drejt pemës dhe stacionit

Toldi Aleksi, shoferi i mjetit tip “Porsche”, që u dëmtua më së shumti në aksidentin e ndodhur ditën e djeshme në Tiranë, ku u përfshi autobusi dhe nëntë mjete të tjera, ka folur së fundmi dhe ka treguar gjithë përjetimin e tij në momentin e aksidentit.

Ai tregon se në momentin e parë ka përplasur një vajzë, por fatmirësisht pa pasojë për të renë.
Kaljon Aleksi shprehet se është ndjerë keq për faktin që të gjithë e akuzuan para se të dilte videoja se ai ishte shkaktari i aksidentit. Në lidhje me shkakun e aksidentit, ai shprehet se në këtë rast nuk ka asnjë fajtor, pasi shoferit të autobusit i ka rënë të fikët. Këtë konstatim ai e bën duke krahasuar sëmundjen e shoferit të autobusit me atë të babait të tij, që nuk jeton më.
“Jam mirë nuk kam dëmtim, vetëm shembje dhe traumë. Ka qenë ora 10:30, unë isha nisur për në aeroportin e Rinasit. Isha vetëm në makinë, ndjeva një goditje të madhe që erdhi nga pas dhe nuk e kuptova çfarë ishte. Pjesa e pasme e makinës u ngrit në ajër dhe më shtyu drejt pemës dhe stacionit të autobusit.
Instiktivisht kam shkelur frenat, por ishte e pamundur. Frenova që të mos godisja stacionin, kthej kokën pas për të parë çfarë ndodhi. Kur kthej kokën pas goditjes së parë, shoh xhamin e përparmë të autobusit, që më godet makinën dhe më pas aty nuk mbaj mend, sepse u godita edhe nga para.
Makina është pak e lartë dhe për fat nuk e futi poshtë vajzën, por e ngriti në ajër dhe e shtyu më andej, se po të ishte diçka më e ulët mund ta kishte përplasur mbi xhamin e përparmë apo mund ta fuste poshtë makinës. Ajo vrapoi dhe e kam parë nga videot.

Në momentin që vajza ka dalë nga stacioni i autobusit unë kam kthyer kokën pas, sepse mendova se mbaroi me aq.
Pasi pashë videot që dolën ishte e qartë ajo që ndodhi. Përveç dëmeve materiale, pjesa më e rëndë ishte pjesa e akuzimit publik, pasi u tha se ‘Porsche’ ka shkaktuar aksidentin. Ajo ishte pjesa më e rëndë, mallkimet, shfryrjet publike, vetëm për faktin pse ishte ajo makinë. Këto lloj aksidentesh ndodhin kudo, nuk është faji as i autobusit, as i bashkisë, as i shoferit”-tha Aleksi.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Video/Ja momenti kur avokati Sokol Mëngjesi dhunohet para derës së kopshtit

Publikohet video nga momenti kur avokati Sokol Mëngjesi dhunohet para derës së kopshtit. Siç shihet…

LEXO ME SHUME
Categories Lajme

Nëna dhe babai kërkojnë djalin e humbur prej 4 muajsh, i riu i surprizon live: Jam mirë

Mes lotësh dy prindër nga Elbasani, Bujar dhe Fiqerete Çepa mbërritën pasditen e kësaj të…

LEXO ME SHUME
Categories Lajme

FOTO-EMRAT/ Identifikohen 4 autorët që dhunuan avokatin Sokol Mëngjesi

Policia e Tiranës ka identifikuar katër autorët që dhunuan avokatin Sokol Mëngjesin, mëngjesin e kësaj…

LEXO ME SHUME
Categories Lajme

Vlorë/Vijon megaoperacioni policor i koduar “Tempulli 3”Vihet në pranga një 27-vjeçar, të cilit iu gjet në automjet, një sasi lënde narkotike e ndarë në rreth 530 doza

Vlorë/Vijon megaoperacioni policor i koduar “Tempulli 3”, goditet një rast i shitjes së lëndëve narkotike,…

LEXO ME SHUME
Categories Lajme

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2 shtetas

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2…

LEXO ME SHUME