Një aksident i rëndë është shënuar në aksin Elbasan-Librazhd, ku një makinë ka rënë në Lumin Shkumbin. Bëhet me dije se është bërë e mundur që të nxjerrin nga makina, një burrë një grua dhe një fëmijë që janë në gjendje të rëndë shëndetësore. Burime nga policia e Elbasanit bëjnë me dije se janë rreth 5 persona në brendësi të mjetit që ka përfunduar në lumë. Deri më tani janë nxjerrë 2 persona nga makina dhe një fëmijë i vogël ku mësohet se është intibuar menjëherë dhe është dërguar me urgjencë në spital.

Por për fat të keq, në një nga videot shihet teksa uji merr një person me vete, ndërsa personat që  ndodhen në vendin e aksidentit vrapojnë për ta shpëtuar.

Konfirmohet se personi që morri rryma me vete ka ndërruar jetë.

Pavarësisht përpjekjeve të ekipit të shpëtimit për ta nxjerrë të gjallë, personi i cili mendohet të jetë i gjinisë mashkull ka ndërruar jetë. Në vendin e ngjarje ka mbërritur edhe kryeprokurori i Elbasanit, Kreshnik Ajazi.  Në momentin e aksidentit në makinë ndodheshin 5 persona. Mendohet se është dhe një person tjetër i cili është ende i bllokuar në makinë.