Sezoni 2019-2020 pritet të jetë mjaft i vështirë për Manchester City.
Kampionët në fuqi të Premier League synojnë që të mbajnë hapin e viteve të fundit, por të këtij mendimi nuk janë kundërshtarët. Ata kërkojnë që të rrëzojnë sa më shpejt nga froni ekipin e Pep Guardiolës dhe pengesa e parë erdhi. Tottenham i hoqi nga dora dy pikë mjaft të vyera, duke zhvilluar një takim spektakolar në “Emirates Stadium”.
Rezultati final ishte 2 me 2, edhe pse ishin vendasit ata që kaluan në dy rastet të parët në avantazh. Stërling zhbllokoi shifrat, teksa Lamela barazoi gjithçka brenda pak minutash. Gjithsesi, Aguero e dërgoi drejt dhomave të zhveshjeve Cityn në epërsi, 2-1. Megjithatë, Lucas nuk ishte i këtij mendimi.
Braziliani realizoi dhe i dhuroi një pikë mjaft të vyer Tottenham, që vinte pas dramës që pësoi në Istambul, ku humbi titullin e Superkupës së Europës kundër Liverpool. Pas kësaj pike, Manchester City mban vendin e 3-të me 4 pikë, aq sa Tottenham i dy pozicioneve më poshtë.
