Një zjarr ka rrezikuar disa banesa në fshatin Sulaj në Dërmenas pasditen e sotme. Nga të dhënat e para mësohet se shkak janë bërë ballat e barit që kanë marrë flakë.
Si pasojë e përhapjes së flakëve janë rrezikuar banesat, ndërsa Report Tv sjell pamjet. Në vendin e ngjarjes shkuan forcat zjarrfikëse të Fierit që kanë bërë të mundur shuarjen e flakëve, ndërsa po punohet për shkakun.
Nga zjarri rrezik për djegie kanë pasur edhe stallat e bagëtive të cilat ndodheshin pranë. Ballat e barit ishin grumbulluar si ushqim për bagëtitë gjatë stinës së dimrit.
