Rreth një muaj më parë ajo u bë personazh në të gjitha mediat, pas ngjarjes që ndodhi në dupleksin e saj në Kavajë. Marsida Qatja, 32 vjeç, nënë e tre fëmijëve ku më i madhi është 15 vjeç duket se vijon jetën e saj normale, pasi efektivi Bledar Toçi i mori jetën Dritan Haxhollit në shtëpinë e saj. Së fundmi, ajo ka publikuar një foto të bashkëshortit që ndodhet i dënuar në Gjermani.
Qatja pretendon se është më e dashuruar se kurrë, ndërsa foton e bashkëshortit të dytë e shoqëruar me disa zemra. Me sa duket marrëdhënia mes saj dhe bashkëshortit është rregulluar edhe pse fillimisht u aludua se ngjarja kishte ndodhur për punë xhelozie, pasi Dritani thuhej se kishte pasur një marrëdhënie më herët me Marsidën. Marsida ndodhej aty bashkë me djalin e saj të vogël, i ardhur në jetë nga martesa e dytë. Vetë ajo ka pranuar se ka pasur një lidhje me Haxhollin para hetuesve, por dëshironte t’i jepte fund.
