Vaksina tashmë është rrugës në mbërritje për në Britanine e madhe: Ngarkesa e parë me dozat fillestare është nisur nga Belgjika- por kryeminisiri Johnson paralajmëron se do ketë ”sfida logjistike” derisa vaksina të shpërndahet. Britania bëhet vendi i parë në botë i cili ka autorizuar klinikisht vaksinën e Covid-19 sot në mëngjes. Mijëra doza vaksine kanë dalë nga magazinat Pfizer në Belgjikë këtë mëngjes pasi iu dha drita jeshile nga Rregullatori i produkteve mjekësore dhe shëndetësore (MHRA),por ka një konfuzion në mënyrën sesi do shpërndahet vaksina dhe kush do të jenë të parët që do ta marrin atë.
Sektretari i Shëndetësisë Matt Hancock është i bindur se fundi i pandemisë do të jetë i afërt por paralajmëron që do të jetë një nga betejat logjistike civile më të ashpra që do të përballojmë si komb. Boris Johnson deklaroi ‘vaksina do na lejojë që ti rikthehemi jetës normale në pranverë dhe do ndihmojë rikithimin e ecurisë ekonomike sërish”- por kryeministri gjithashtu paralajmëroi britanikët që të mos presin një ndryshim të menjëhershëm.
Gati 800.000 mijë doza të vaksinëns Pfizer-i cili kërkon që të merren dy doza brenda 21 ditëve-do të jetë e disponueshme duke filluar nga java e ardhshme.
Britani e Madhe ka porositur 40 milion doza në total, nga të cilat 10 milion brenda fundit të 2020,dhe pjesa tjetër gjatë fillimit të vitit të ardhshëm. Por ka një konfuzion të madh përsa i përket shpërmdarjes së saj dhe se cilat do të jenë kategoritë e para që do të përfitojnë. Komiteti i vaksinimit dhe imunitetit(JCVI) publikoi një list prioriteti përsa i përket Covid-19, duke këshilluar që shtëpitë e kujdesit të të moshuarve të jenë të parët të cilët duhet të përfitojnë nga vaksinimi si dhe stafi i cili kujdeset për ta.
Gjithsesi, zyrtarët paralajmëruan që nuk mund të premtojnë që shtëpitë e kujdesit të moshuarve do të jene para të tjerëve që do të marrin dozat e vaksinës, duke pranuar që e gjithë procedura do të varet nga zhvillimi dhe implementimi i ngarkesës. Pfizer/BioNTech bllokon 95% të virusit Covid-19, sipas rezultateve të dhëna nga zhvillimi i testimeve vaksina funksionon dhe te moshat mbi 65vjec, të cilët janë më të rrezikuarit nga infektimi. Njoftimi vjen në ditën që UK sapo vendoi që të filloj daljen graduale nga lockdown i dytë dhe rastet e infektimit dhe të vdekjeve kanë pësuar rënie, duke shënuar 648 vdekje dhe 16,170 infektime gjatë valës së dytë.
