Raportohet se Ilirian Xhani, i cili punonte si roje në një magazinë elektroshtëpiakesh në Sarandë, ndërroi jetë këtë të mërkurë.
59-vjeçari pësoi djegie të rënda për shkak të një zjarri që ra në kabinën e rojes ku ai qëndronte, mbrëmjen e së martës. Xhani u transportua drejt spitalit të Traumës në Tiranë për ndihmë më të specializuar, por fatkeqësisht ndërroi jetë.
Në njoftimin e saj për mediat një natë më parë, policia tha se paraprakisht dyshohet se zjarri ishte aksidental. Megjithatë autoritetet në Sarandë vijojnë hetimet.
