Kryetari i bashkisë së Athinës, Kostas Bakojanis, të premten iu përgjigj kritikave lidhur me turmat që u mblodhën të enjten kur u prezantua shatërvani i rinovuar në qëndër të sheshit Omonia.
“Ne bëmë një gabim,” tha Bakoyannis në një video të postuar në Facebook, duke qëndruar para shatërvanit të ri, që e zbuloi të enjten në mbrëmje duke tërhequr një turmë të madhe prej qindra njerëzish, që shkelën masat distancuese sociale. “Ne bëmë një gabim shumë të madh sepse nuk e parashikuam që kur të hapet Omonia e rinovuar, mijëra njerëz kalojnë atje çdo ditë do të mblidheshin sigurisht,” shtoi ai.
Bakoyannis sqaroi se autoriteti komunal nuk kishte planifikuar të bënte një ceremoni të madhe të prezantimit të sheshit të rindërtuar dhe se Policia lëshoi rekomandime të vazhdueshme për distancimin shoqëror, por situata duket se u doli nga duar për shkak të numrit të madh të njerëzve që rregullisht e frekuentojnë atë zonë.
