Ditën e djeshme Gjykata e Tiranës ka dhënë masën për 4 personat në pranga për ndarjen nga jeta të 26-vjeçarit Indrit Çelaj. Babai i djemve në arrati Bujar Kusin, Ferdinand Bakallin dhe Ali Sulën u lanë në qeli. Luan Çaka u la në arrest shtëpie, teksa ditën e djeshme edhe Lorenc Veliaj, i cili mori përsipër fillimisht ngjarjen, u la në qeli.
Ata e pritën vendimin kokulur. Mediat u lejuan vetëm në nisje të seancës gjyqësore, pasi pjesa tjetër u zhvillua me dyer të mbyllura. U vu re se teksa gjyqtarët lexonin akuzat e tyre, të arrestuarit shfaqen shenja nervozizmi. Një prej tyre shihet të mbajë dorën para fytyrës për t’iu shmangur kamerave.
