Një 24-vjeçar shqiptar është vënë në pranga nga policia italiane, pasi është kapur me lëndë narkotike, të llojit kokainë.
Sipas mediave italiane, ndaj të riut është ushtruar kontroll në makinë nga Karabinierët e Komandës Provinciale të Alessandria, ku i kanë gjetur kokainë dhe 5000 euro, që i kishte përfituar nga shitja e saj.
Ndërkohë sipas ekspertëve, shuma që do të përfitonte shitja e kokainës së gjetur, do të shkonte rreth 20 mijë euro. Pas procedurave, i riu është lënë në arrest shtëpie, në pritje për të dalë para gjykatës.
