Dy persona kanë rënë në prangat e policisë, pas një sherri me njëri-tjetrin. Mësohet se në pranga kanë rënë shtetasit R.M, 30 vjeç dhe M.B, 22 vjeç. Ende nuk dihen arsyet e konfliktit mes këtyre dy shtetasve, ndërsa bëhet me dije se 30-vjeçari ka dëmtuar me sende të forta automjetin e shtetasit M.B, ndërsa ky i fundit është kapur duke drejtuar automjetin pa leje drejtimi.
Njoftimi i policies, Memaliaj. Shërbimet e Stacionit të Policisë Memaliaj arrestuan në flagrancë shtetasit R. M., 30 vjeç dhe M. B., 22 vjeç, banues në fshatin Komar, Memaliaj.
Arrestimi i shtetasve të mësipërm u bë pasi në aksin rural Buz-Komar, Memaliaj këta shtetas janë konfliktuar me njeri-tjetrin, ku shtetasi R. M. ka dëmtura me sende të forta automjetin e shtetasit M.B. Gjithashtu shtetasi M. B. u konstatua nga shërbimet e policisë se drejtonte automjetin pa leje drejtimi. Materialet në ngarkim të shtetasve të mësipërm i kaluan Prokurorisë për veprime të mëtejshme.
