Pas një sulmi në zemër, mundësia e rikthimit është edhe më e lartë dhe rikuperimi i trupit është shumë i rëndësishëm. Më poshtë janë disa këshilla që mund t’ju vijnë në ndihmë.
Këto ndryshime mund të përmirësojnë shumë shëndetin tuaj të përgjithshëm dhe më e rëndësishmja, të zvogëlojnë rrezikun për të pasur një sulm tjetër në zemër.
1. Mos pini duhan
Pirja e duhanit është një faktor kryesor rreziku për sëmundjet e zemrës dhe duhet të shmanget me çdo kusht. Nëse jeni duhanpirës, bisedoni me mjekun tuaj për të gjetur një plan për t’ju ndihmuar të hiqni dorë.
Duhani shkakton mpiksje të gjakut, dëmton enët e gjakut dhe mund të bëjë të vështirë për gjakun dhe oksigjenin të arrijnë në zemrën tuaj dhe organet e tjera. Nikotina gjithashtu rrit presionin në gjak.
2. Kontrolloni presionin e gjakut dhe nivelin e kolesterolit
Presioni i lartë i gjakut, i njohur gjithashtu si hipertension, streson zemrën dhe enët e gjakut. Ndryshimet e stilit të jetës duke ushtruar aktivitet fizik, ndjekja e një diete të ulët në natrium dhe mbajtja e një peshe të shëndetshme, mund të zvogëlojnë presionin e gjakut. Mjeku juaj gjithashtu mund të përshkruajë beta bllokues për t’ju ndihmuar.
Ekzistojnë dy lloje të kolesterolit: (HDL) ose kolesterol “i mirë”, dhe (LDL) ose kolesterol “i keq”. Kolesteroli i keq rrit rrezikun për sëmundje të zemrës dhe një tjetër sulm në zemër. Një dietë e shëndetshme mund të luajë rol të rëndësishëm në uljen e presionit të gjakut dhe kolesterolit të keq.
3. Kontrolloni dhe menaxhoni diabetin
Të dy llojet e diabetit, tip 1 dhe ai tip 2, rrisin rrezikun për sulm në zemër dhe goditje në tru. Nëse keni diabet, administrimi i tij me ilaçe, stërvitje dhe ndryshime dietike është thelbësore për të zvogëluar mundësinë e një sulmi të dytë në zemër.
4. Bëni stërvitje të rregullt fizike
Ushtrimi i rregullt kardiovaskular forcon zemrën tuaj dhe ul nivelin tuaj LDL dhe presionin e gjakut. Ndihmon gjithashtu në lehtësimin e stresit, rritjen e nivelit të energjisë dhe ndihmon në menaxhimin e peshës. Me kaq shumë efekte pozitive, nuk është çudi që Shoqata Amerikane e Zemrës rekomandon të paktën 150 minuta në javë ushtrime të moderuara ose 75 minuta në javë dhe ushtrime intensive, rreth 30 minuta në ditë. Para se të filloni një regjim stërvitjeje, sigurohuni që të merrni edhe aprovimin e mjekut
5. Mbani një peshë të shëndetshme
Kilet e tepërta kërkojnë që zemra juaj të punojë më shumë dhe me më pak efikasitet. Edhe nëse nuk keni faktorë të tjerë rreziku, yndyra e tepërt e trupit ju vë në rrezik më të madh për një sulm në zemër. Bisedoni me mjekun tuaj nëse keni probleme për të humbur peshë.
Ata mund të rekomandojnë një program të humbjes së peshës ose një plan trajtimi për t’ju ndihmuar të ndryshoni sjellje jo të shëndetshme.
6. Ndiqni një dietë të shëndetshme
Një dietë e pasur me yndyra mund të bëjë që pllakat të ndërtohen në arteriet tuaja. Ky grumbullim ngadalëson ose parandalon rrjedhjen e gjakut në zemrën tuaj dhe mund të rezultojë me një sulm në zemër. Duke ulur yndyrën e ngopur, ju mund të ulni nivelin e kolesterolit të keq. Modifikoni dietën tuaj për të përfshirë më pak mish të kuq, kripë, sheqer dhe produkte të qumështit me yndyrë të lartë. Shtoni më shumë fruta, perime dhe proteina.
7. Kontrolloni nivelin tuaj të stresit
Pas një sulmi në zemër, është normale që ju të përjetoni një gamë të gjerë emocionesh. Ju mund të ndiheni të dëshpëruar, veçanërisht nëse e keni të vështirë të përshtateni me ndryshimet e reja të jetesës. Ju gjithashtu mund të shqetësoheni për një sulm në zemër dhe të ndiheni të zemëruar dhe të irrituar lehtësisht. Diskutoni ndryshimet tuaja të humorit me mjekun dhe familjen tuaj dhe mos kini frikë të kërkoni ndihmë.
8. Mos neglizhoni ilaçet tuaja
Pas një sulmi në zemër, mjeku juaj ka të ngjarë të përshkruajë trajtim për të parandaluar një sulm tjetër në zemër. Është e rëndësishme që t’i ndiqni me rigorozitet porositë e mjekut. Disa nga trajtimet që mund t’ju jepen janë: Beta-blockers, të cilët trajtojnë tensionin e lartë dhe përmirësojnë funksionin e zemrës. Antikoagulantët, të cilët ndihmojnë në parandalimin e mpiksjes së gjakut. Statin.
Këto ilaçe ndihmojnë trupin të përpunojë dhe të largojë kolesterolin e keq. Kjo jo vetëm që ul kolesterolin, por edhe mbron pjesën e brendshme të arterieve. Mjeku juaj do të vendosë se cili trajtim është më i miri për ju, bazuar në situatën tuaj.
Mjeku nuk mund të monitorojë progresin tuaj dhe të bëjë rregullimet e nevojshme nëse këto mënyra nuk do të jpin efekt në organizëm.
