Një automjet është përfshirë nga flakët ditën e sotme në bypass-in e Vlorës. Për fat të mirë ka pasur vetëm demë materiale, ndërsa shoferi 20-vjeçar ka mundur të shpëtojë pa lëndime.
Informacioni i policisë:
Rreth orës 17:00, në bypass-in e Vlorës, në fshatin Kaninë, ka marrë flakë në ecje, automjeti tip “Fiat”, në pronësi të shtetasit B. A., 20 vjeç, banues në fshatin Armen, Vlorë.
Nga flakët janë shkaktuar vetëm dëme materiale.
Shërbimet e Policisë dhe të zjarrëfikëses kanë shkuar menjëherë në vendngjarje.
Grupi hetimor po punon për përcaktimin e shkakut të rënies së zjarrit.
