Arrestohen tre nga shqiptarët e arratisur sot nga burgu grek i Hanias në Kretë. Bëhet fjalë për Olis Priftin, Ardian Metën dhe Mateo Barjami, ndërsa në kërkim është Bledar Frroku. Mësohet se shqiptarët u kapën në qendër të Kretës, në Heraklion, pas bashkisë. Të arrestuarit kanë kanë pohuar se dy të dënuarit e tjerë kanë qëndruar në Chania. Sipas mediave greke, shqiptarëve të arratisur iu gjetën dy thika, një sasi e vogël kanabis, heroinë dhe pluhur i bardhë. Ndër të tjera policia gjeti dhe mjetin e dytë të cilën ata vodhën për të arritur që të arratiseshin.
Pas shumë orë kërkimesh policia greke arriti që të arrestonte 3 shqiptarëve, ndërkohë që përveç Frrokut, në kërkim është dhe palestinezi. Pas arratisjes së të dënuarve pesë efektivë janë vënë nën hetim dhe akuzohen për neglizhencë.
