Ashtu siç ishte paralajmëruar, Milan ka nderuar legjendën e basketbollit, Kobe Bryant, i cili humbi jetën pas aksidentit tragjik me helikopter ditën e diel.
Bryant me vajzën e tij 13 vjeçare dhe shtatë persona të tjerë, gjetën vdekjen kur helikopteri me të cilin po udhëtonin u përplas me një kodër, në një mot aspak të përshtatshëm nga mjegulla e dendur. Milan para ndeshjes së Kupës së Italisë ndaj Torinos në ‘San Siro’, kishte vendosur një buçet me lule dhe një top basketbolli në cepin e fushës.
Ndërsa pak momente para fillimit të ndeshjes, para tifozëve u lëshua një video në ekrakin gjigant, që shfaqte Bryant. Ishin pastaj tifozët që gjithashtu kishin përgatitur disa mesazhe për legjendën e basketbollit. “Prehu në paqe Kobe dhe Gianna. Përgjithmonë së bashku”, shkruhej në mesazhin e tifozëve të Milanit.
Kobe Bryant, who grew up in Italy, was a football and AC Milan fan.
The club paid tribute to him ahead of today's match. https://t.co/qtstzq6jcP pic.twitter.com/c0jxO8YKD3
— ESPN (@espn) January 28, 2020
