Debati më i madh në historinë e fundit, i cili duket se nuk do të marrë ndonjëherë fund është se cili mes Ronaldos dhe Messit është më i miri? Në fakt, duke parë rezultatet dhe statistikat e të dy lojtarëve, është shumë e vështirë ta përcaktos kush është më i miri prej tyre. Një grup i shkenctarëve kompjuterikë nga Belgjika pretendojnë se e kanë gjetur formulën e duhur për të përcaktuar më të mirin mes Ronaldos dhe Messit.
Profesorët e Universitetit KY Leuven kanë bashkëpunuar me disa ekspertë holandezë të të dhënave për t’i dhënë fund debatit historik. Kjo formulë merr në konsideratë të gjitha aspektet e lojës së futbollit, po ashtu edhe kontributin e tyre në fushë, në fazën mbrojtëse dhe atë sulmuese.
“Vlera e një futbollisti varet nga golat dhe asistet, por modeli ynë llogarit të gjitha aspektet: gjuajtje, pasim, driblim, ndërhyrje, gola, asiste dhe më pas llogarit vlerën e gjithësecilit”, tha Jesse Davis, një profesor i Universitetit. Pas gjithë llogaritjeve, Messi pati një VAEP (formula llogaritëse që i merr parasysh të gjitha aspektet e lojës) prej 1.21, krahasuar me vetëm 0.61 të Ronaldos.
“Në sezonin e parë, vlerësimet për Messin dhe Ronaldon janë shumë të përafërta me njëri-tjetrin, ndërsa nga sezoni 2015/16 e tutje, Messi ka bërë hapa para rivalit të tij”, tha një prej analistëve që ndihmoi në këtë studim. /CNA.al
