Serxho Sula, 26 vjeç, ka humbur jetën tragjikisht në një aksident automobilistik në Volos të Greqisë. Aksidenti tragjik ka ndodhur pak para orës 18.00, kur 26-vjeçari, sipas informacioneve, po kthehej nga Rizomylos, ku kishte shkuar për të ndjekur ndeshjen e futbollit mes Asteras dhe Thereas Agrias.
Sipas TheNewspaper.gr, në rrethana të paspecifikuara, motoçikleta e tij ka dalë nga rruga, duke bërë që drejtuesi të humbte jetën në vend. I riu shqiptar jetonte në Nea Jonia, Volos, dhe kishte një dobësi të veçantë për motorët. Sektori i Qarkullimit në Volos po kryen hetimet paraprake për shkaqet e aksidentit.
