Kreu i qeverisë Edi Rama ka dalë në një konferencë të përbashkët me ministrat Anila Denaj dhe Arben Ahmetaj ku ka folur për ekonominë. Përveç arritjeve të supozuara që renditi Denaj, ajo iu përgjigj dhe presidentit Ilir Meta, i cili ktheu në Kuvend buxhetin e vitit të ardhshëm, duke thënë se synimi kryesor i qeverisë është ulja e papunësisë.
“I rikujtoj Presidentit se synimi i buxhetit 2021 është ulja e papunësisë. Në buxhetin e 2021 mbështetja për mbrojtjen sociale janë rritur nga një vit në tjetrit. Është dhënë bonus për personat me aftësi të kufizuar. Fondi rritet me 3.7 lekë për personat me aftësi të kufizuar për buxhetin 2021. Skema e sigurimeve shoqërore ka ardhur në rritje. Strehimi social shumë i rëndësishëm, janë 3 miliard lekë për familjet që përfitojnë bonusin e qirasë”, tha Denaj.
“Synimi i uljes së papunësisë është fokusi i këtij buxheti. Kjo është një përpjekje që realizohet në shumë krahe. Edhe nëpërmjet skemave. Sektorët prioritar, janë arsimi, infrastruktura, shëndetësia…. Është buxheti më i lartë në investime. Në nuk i ndërpremë shpenzimet. I shkurtuam por nuk i prekëm. Arsimi 20 mld lek më shumë. Shëndetësia arrin në 3.7% të PBB. Kemi rritur investimet në Infrastrukturë, e bujqësi. Do jenë likujditet i shtuar në ekonomi. Realizuam një rritje pozitivie” ,tha Denaj.
Kujtojmë se Presidenti Ilir Meta ka kritikuar buxhetin e 2021, duke thënë se 71% e punonjësve të administratës nuk përfitojnë rritje page në 2021.
