Presidenti i Republikës, Ilir Meta ka përkujtuar 32-vjetorin e rënies së murit të Berlinit. Meta shkruan se Liria, të drejtat dhe dinjiteti njerëzor, demokracia dhe shteti i së drejtës do të triumfojnë padiskutim.
“Çdo mur, që na ndan sot nga Europa e Bashkuar, është i destinuar të shembet! Liria, të drejtat dhe dinjiteti njerëzor, demokracia dhe shteti i së drejtës do të triumfojnë padiskutim!
Të bashkuar rreth këtyre vlerave do të afrohemi më shpejt drejt Europës!Gëzuar përvjetorin e Shembjes së Murit të Berlinit!”, shkruan Meta tekasa ka shpërndarë këngën e famshme të grupit “Europe” – “The final countdown”.
Kanë kaluar 30 vjet të plota që nga shembja e Murit të Berlinit, i cili ishte bërë simbol i Luftës së Ftohtë. Muri, ndërtimi i të cilit filloi më 13 gusht të vitit 1961 dhe i cili e shndërroi në një ishull Berlinin Perëndimor në Gjermaninë Lindore, u shemb më 9 nëntor të vitit 1989.
