Një tentativë grabitje ka ndodhur mëngjesin e kësaj të marte në një banese tre katëshe në Zejmen të Lezhës. Dy persona të armatosur kanë hyrë brenda shtëpisë për të vjedhur, por nuk kanë arritur të marrin gjë, pasi janë trembur nga kalimi i një ambulance dhe kanë menduar se janë policia dhe janë larguar.
Sipas burimeve ata jane identifikuar dhe ndaluar nga vetë banorët e zonës. Sipas banorëve, gjatë tentativës për t’u larguar, njeri ka hedhur në ferra pistoletën dhe një telefon, ndërsa tjetri është larguar në drejtim të malit.
Pas njoftimit të policisë, kjo e fundit ka mbërritur në vendngjarje duke arrestuar të riun, banues në Lezhë, ndërsa po ushtron kontrolle për të bërë të mundur edhe kapjen e personit tjetër. Po ashtu mësohet se kjo vilë kishte rënë pre e një tjetër vjedhje më herët. Vjedhjet e banesave prej kohesh janë kthyer në një shqetësim serioz në bashkinë e Lezhës dukë nxjerre në pah mungesën e bashkëpunimit polici-komunitet.
