Presidenti Ilir Meta ka uruar sot të gjithë besimtarët ortodoksë për festën e Pashkës. Në një postim në mediat sociale, Meta uron që drita e kësaj dite të shenjtë të ngrohë zemrat e familjeve shqiptare.
Po ashtu ai për të gjithë besimtarët uron që të ketë mbarësi dhe gëzim. “Gëzuar Pashkën! Drita e kësaj Dite të Shenjtë të ngrohë zemrat dhe të ndriçojë gjithmonë familjet tuaja me shpresë, mbarësi dhe gëzim!”, shkruan Meta.
Pashkët këtë vit janë festuar ndryshe nga tradita, pasi mesha e mesnatës është mbajtur në mëngjes, për shkak të masave kundër Covid.
