Ministri i Jashtëm i Hungarisë Levente Magya e ka konsideruar katastrofike shtyrjen e negociatave për Shqipërinë dhe Maqedoninë e Veriut. Në një deklaratë për mediat pas përfundimit të mbledhjes së ministrave të Jashtëm të BE ai tha se ky vendim do të kërcënonte paqen dhe stabilitetin në Ballkanin Perëndimor.
“Është katastrofike që Bashkimi Evropian ka vendosur të shtyjë më tej hapjen e negociatave me Shqipërinë dhe Maqedoninë e Veriut. Me vendimin e saj, BE po kërcënon paqen dhe stabilitetin në rajonin e Ballkanit Perëndimor, ka humbur dhe ka shkatërruar plotësisht besueshmërinë e saj në sytë e të dy vendeve”, u tha Levente Magyar gazetarëve hungarezë pas takimit të ministrave të Jashtëm të BE-së.
Ndër të tjera Magyar u shpreh se qeveria Hungareze do të bëjë gjithçka për të reaguar, me ndihmën e Komisionerit për Zgjerim, kundër ndaj çdo zhvillimi negativ në Ballkanin Perëndimor nëse BE dështon me negociatat.
Më pasi ai shprehet se hapja e negociatave me dy shtetet ballkanike, Hungaria e konsideron të rëndësishme edhe për parandalimin e valëve të refugjatëve që vijnë nga jugu i Evropës. Shqipëria po gjen mbështetje të madhe nga shumica e vendeve anëtare në BE të cilët po përpiqen të jenë bindës tek vendet skeptike për hapjen e negociatave.
