Shpëtim Moçka pas ndeshjes me Partizanit, ku padyshim ishte shpëtimtar i kuqezinjve ka pohuar: ”Në tri ndeshjet me profesor Luanin kemi marrë 2 pikë dhe ndaj Kukësit që humbëm, por meritonim më shumë për atë që treguam në fushën e blertë. Luajmë në grup dhe të bashkuar dhe besoj se kjo po sjelle dhe pikët dhe lojën e mirë”.
Rikthimi Moçka vitin e shkuar e nisi te Tirana, më pas shkoi në Ballsh, nga ku u largua në mënyrë të çuditshme dhe në verë, ndonëse me një vit thuajse pa luajtur, firmosi në Vlorë aty ku luan si titullarë…“Vitin e shkuar nuk kam qenë te Tirana dhe s’mu dha mundësia që të luaj. Por, nuk mendoj për të kaluarën. Tani unë do të tregoj se kush është Shpëtim Moçka dhe dua që të bëj më të mirën për Flamurtarin”.
Kriza “Është shumë keq që ta shohësh Flamurtarin në fundin e renditjes. Unë kam besim se të gjithë bashkë ne do ta nxjerrim Flamurtarin nga kjo pozitë dhe do ta dërgojmë aty ku e ka vendin. Ne jemi futbollistë profesionit, e kemi mendjen te fusha. Për problemet ua lëmë në dorë drejtuesve që e kanë në dorë, klubit apo dhe Bashkisë së Vlorës që ta zgjidhin këtë situatë”.
Largimet “Nuk më takon që të flas e të ndërhyj për të ardhmen, nëse qëndrojnë ose jo në janar. Unë u flas në stërvitje apo ndeshje, pasi kam eksperiencë dhe u them më të rinjve që të impenjohen”.
Për Gjikën Në fund, Moçka flet edhe për ish-presidentin dhe ish-kryebashiakun, Shpëtim Gjika që i shkoi shumë afër titullit me vlonjatët. “Shpëtim Gjika normalisht që mbetet në zemrat e çdo vlonjati për atë që ka bërë për Flamurtarin, ndonëse nuk dua që të flas më gjatë”, – tha Moçka në fund.
