Taulant Seferi është ftuar për herën e parë në Kombëtare, diçka që e ka gëzuar shumë lojtarin. Sulmuesi i huazuar nga Jang Boys te Xamax, është shfaqur mjaft i emocionuar.
Nëpërmjet një postimi në “Facebook”, 22-vjeçari shfaqet shumë i lumtur, teksa shkruan: “Faleminderit te gjithëve qe gjetët kohë të më shënoni, të më telefononi. Zgjedhjen time nga trajneri Edi Reja e pranova me gjithë qejf. Jam shumë i lumtur dhe më në fund ëndrra ime po bëhet realitet. Do jem gjithmonë për kombin tim.”, shkruan sulmuesi.
Teksa në një postim pak më herët kur mori ftesën, Seferi shkruante: “Faleminderit për besimin, asnjëherë nuk do t’ju zhgënjej!”.
