Kryeministri Edi Rama ka reaguar pasi Prokuroria e Tiranës ka regjistruar procedimin penal për disa persona, të dyshuar për krijimin e skemave mashtruese me qëllim kreditimin e TVSH-së, duke i shkaktuar buxhetit të shtetit një dëm prej 18 miliardë lekësh.
Me anë të një postimi në Tëitter, Rama paralajmëron biznesin duke nënvizuar faktin se kush luan me taksat i gjen belaje.
“Ulja e taksave e lehtësimi tërësor i biznesit,synojnë dhe uljen e informalitetit dhe evazionit fiskal!Arrestimi i një duzine shkelësish dhe shpallja në kërkim e një tufe tjetër nga biznesi i madh,për mashtrim me taksat, është mesazh i qartë:Mos luani me taksat se ju gjen belaja.”– shkruan Rama.
