Emergjencat Civile dhe Kapiteneria e Vlorës kanë paralajmëruar për masa të shtuara pas parashikimeve për mot të keq në dy ditët e ardhshme.
“Ne 48 oret e ardhshme do te kemi nje situate meteorologjike teper te renduar ku shirat, stuhit do perfshijne gjithe vendin dhe territorin e qarkut tone, prandaj kerkohet nga te gjithe te merren masa per te perballuar cdo lloj situate emergjente! Te gjitha njesit e qeverisjes vendore te bejne lajmerimet e popullates per te marr masa per mos tu gjendur ne situata te veshtira e kritike per jeten e pronen! Te gjitha drejtorit te marrin masa sipas fushes se pergjegjesise! Ngelemi ne kontakt per cdo ngjarje e situate!”- njoftojnë Emergjencat Civile.
Ndërkohë, kapiteneria e Vlorës, ka ndaluar lejet për daljen në det të anijeve të peshkimit dhe sigurimin e tyre në vendet e parkimit.
Njoftim i kapitenerisë së Vlorës:
Në bazë të parashikimit për situatën hidrometeorologjike të përkeqësuar në gjirin e Vlorës dhe jashtë saj për daten 09-10-11 dhjetor 2022 duke filluar nga ora 12:00 date 09 dhjetor në drejtimin Jug-Jug-Lindje dhe JugJugPerëndim në forcën 5-6bft, 1.00-1.50m brenda gjirit të Vlorës dhe jashtë gjirit të Vlorës në forcën 6-7bft deri 8-9bft 12-25m/s dhe lartësi dallge nga 1.50 deri 3.00 metra.
1. ËSHTË NDALUAR DHËNIA E LEJE-NISJES E TË GJITHA MJETEVE TË VOGLA LUNDRUESE , ANIJEVE TË PESHKIMIT QË OPEROJNË JASHTË GJIRIT TË VLORËS DHE MARJEN E
MASAVE PËR SIGURIMIN E TYRE.
2. MJETET E VOGLA LUNDRUESE DHE ANIJET E PESHKIMIT QË OPEROJNË BRENDA GJIRIT TË VLORËS TË KENË NË KONSIDERATË KUSHTET E PARASHIKUARA TË PËRKEQËSUARA DHE MARJEN E MASAVE PËR SIGURIMIN E TYRE.
3. Jane njoftuar drejtuesit e anijeve të peshkimit dhe mjetet e vogla lundruese për situatën e përkeqësuar dhe të merren masat për sigurimin e mjeteve në vendet e akostuara dhe parandalimin e ngjarjeve dhe situatave gjatë datave 09-10-11 dhjetor 2022.
4. Anijet e transportit ndërkombëtar detar vazhdojnë të operojnë normalisht.
5. Përmisimi i situatës meteorologjike të përkeqësuar në gjirin e Vlorës dhe jashtë saj për mjetet e vogla lundruese dhe të peshkimit do të jetë mbas datës 11 dhjetor 2022 ora 12:00.
