Motra e Konstandin Kacifas, i vrarë nga forcat RENEA në Bularat pak ditë më parë pasi ishte kishte qëlluar ndaj forcave të rendit, ka folur për mediat greke duke hedhur akuza ndaj sjelljes së policisë shqiptare.
Ajo shton se familja është terrorizuar pas ngjarjes, teksa nënës që po vajtonte djalin e vet, i është vënë arma në kokë, ashtu sikurse edhe babait.
“Komandot erdhën në shtëpi. Mamaja ishte duke qarë për vdekjen e vëllait, por ata nuk patën mëshirë dhe ia vunë armën tek koka duke i thënë se “nuk jemi në Greqi, por në Shqipëri”. Një gjë e tillë ndodhi edhe me babanë. Ishte një skenë e tmerrshme. Kjo ishte e papranueshme, një vepër kriminale. E tillë ishte edhe skena kur hanin para mamasë çfarë gjenin në shtëpi”.
Ndërkohë burime nga mediat greke bëjnë të ditur se familjarët e Kacifas pritet të dëshmojnë në Greqi tek autoritetet për ngjarjen pasi edhe organi i akuzës atje ka nisur nje hetim të veçuar lidhur me vdekjen e minoritarit Kacifas, i cili njihej si veprimtar i forcave ekstremiste greke.
