Kryeministri Edi Rama ka uruar besimtarët myslimanë për agjërim të lehtë dhe të pranuar me rastin e nisjes së muajit të shenjtë të Ramazanit.
“Të gjithë besimtarëve ju uroj një fillim të mbarë të muajit të Ramazanit, agjërim të lehtë, harmoni, qetësi dhe begati në familje. Agjërim të lehtë dhe të pranuar”, shkruan kreu i qeverisë në Facebook.
Muaji i Ramazanit është një kohë shumë e rëndësishme në kalendarin islamik dhe në të marrin pjesë myslimanët në mbarë botën.
Ai fillon dhe përfundon me shfaqjen e gjysmëhënës. Për shkak se viti kalendarik mysliman është më i shkurtër se 365 ditët e vitit kalendarik Gregorian, Ramazani fillon 10 deri në 12 ditë më herët çdo vit.
