Stresi, aktivitetet e përditshme dhe problemet e ndryshme janë disa nga faktorët që shkaktojnë çrregullimet e gjumit. Benefitet e një gjumi të rregullt tanimë dihen. Gjumi i rregullt rigjeneron sistemin imunitar, sistemin respirator, nivelin e energjisë, e lejon trurin t’i procedojë informacionet në mënyrë efikase dhe e bën rregullimin e qarkullimit të gjakut. Për të dëshmuar rëndësinë e gjumit të rregullt, një ekip i nerushkencëtarëve, i udhëhequr nga Michele Bellesi, nga Universiteti Marche në Itali, ka bërë një eksperiment ne minj, të cilët i kishte ndarë në dy grupe.
Grupi i parë i minjve kishte bërë gjumë mjaftueshëm, kurse grupin tjetër nuk e kishin lejuar të bëjnë më shumë se 8 orë gjumë. Duke vrojtuar aktivitetin e qelizave përgjegjëse për gjumin, shkencëtarët kishin vërejtur se grupi i dytë, të cilët kishin fjetur më pak se 8 orë kishin aktivitet më të ulët psikik, në krahasim me minjtë që kishin fjetur mjaftueshëm si dhe qelizat nervore të tyre kishin filluar të shkatërrohen.
Duke marrë parasysh që fiziologjia e minjve është e ngjashme me atë të njerëzve, këto rezultate vlejnë edhe për njerëzit. Si përfundim, ky studim edhe një herë ka vërtetuar rëndësinë e gjumit për mbarëvajtjen e shumë proceseve në organizëm.
Disa metoda që ju ndihmojnë të flini më lehtë janë:
-Praktikoni meditimin
-Krijoni një ambient të errët kur flini
-Bëni aktivitete fizike
-Shkoni në shtrat gjithmonë në të njëjtën kohë
-Mos pini shumë kafe
