Zhoze Murinjo vazhdon të jetë pushim që nga koha kur u shkarkua nga Mançester Junajtid dhe duket se nuk ka në plan të kthehet këto kohë në krye të ndonjë skuadre. Trajneri portugez, po pret ofertën e duhur ndërkohë që të shumta janë klubet që kanë shfaqur interesim për shërbimet e tij.
Një ndër to, është edhe Olimpik Lioni dhe mediat franceze bëjnë me dije se klubi i ka bërë një ofertë zyrtare trajnerit portugez. Ky i fundit, pretendohej të zinte vendin e Silvinjos që u shkarkua pak ditë më parë por përgjigja e tij ka qenë e prerë dhe e qartë, duke iu bërë me dije drejtuesve se nuk e ka kampionatin francez një objektiv.
Tekniku portugez ka treguar se dëshira e tij është që të rikthehet edhe njëherë tjetër në Angli dhe pikërisht Premier Liga, do të jetë destinacioni i radhës për të. Tashmë, mbetet të shihet se vendin e kujt do të zërë tekniku portugez ku deri më tani ka provuar Çelsin dhe Mançester Junajtidin.
