Një shofer autobusi ra në prangat e policisë në Pogradec, pasi u kap duke drejtuar mjetin në gjendje të dehur. Sipas policisë, ai drejtonte autobusin me 36 pasagjerë, nga Korça në drejtim të Tiranës ndërsa në Qafë-Plloçë gjatë kontrollit ka rezultuar nën efektin e pijeve a lkoolike në masën 0.75 mg/l. Policia ka bërë arrestimin e A. M., 56 vjeç, banues në Korçë, për veprën penale “Drejtimi i automjeteve në mënyrë të parregullt”.
Njoftimi i policisë: Bashkëpunimi me komunitetin parandalon një ngjarje të mundshme rrugore me pasoja.
Vihet në pranga shoferi i autobusit të linjës Korçë-Tiranë, i cili drejtonte mjetin në gjendje të d ehur me 36 pasagjerë brenda. Pas marrjes së një telefonate në Sallën Operative se një shofer i linjës Korçë-Tiranë, po kryente manovra të rrezikshme në rrugë, specialistët e Sektorit për Policinë Rrugore në Drejtorinë Vendore të Policisë Korçë, kanë ndaluar në aksin rrugor Korçë-Pogradec, pranë vendit të quajtur Qafë Plloçë, mjetin autobus, i cili transportonte 36 udhëtarë nga Korça në drejtim të Tiranës, me drejtues shtetasin A. M.
