Një punonjës i OST-së humbi jetën në Mirditë mbrëmjen e 10 janarit teksa po riparonte defektin e shkaktuar nga moti i keq. Mëson se bëhet fjalë për Angjelin Qafa, 57 vjec. Qafa ka ndërruar jetë teksa po mundohej të riparonte defektet në rrjetin elektrik të zonës së Mirditës.
Ai ishte pjesë e një ekipi pune që po riparonte defektet e shkaktuara nga moti i keq.
Situata në qarkun e Lezhës ka filluar të përmirësohet relativisht pasi reshjet janë ndërprerë, por vijojnë temperaturat e ulëta.
Ndërkohë është e bllokuar Qafa e Kashnjetit nga akulli dhe nuk bëhet mësim në fshatrat Kalivaç e Ungrej.
Në Mirditë shkollat janë të mbyllura. Rruga e Kombit funksionon relativisht mire ka raste te bllokimit për shkak te prezencës se akullit.
