Këngëtari shqiptar Gena i cili ndodhet në Turqi bashkë me të shoqen, ka treguar përjetimin nga shpërthimi i bombës një ditë më parë në Stamboll, ku për pasojë ndërruan jetë 6 persona dhe u plagosën 80 të tjerë.
Në Tv Klan, ai është shprehur se ndodhet vetëm 1 kilometër larg vendit të ngjarjes dhe pasditen kur ndodhi shpërthimi kishin planifikuar që bashkë me bashkëshorten të dilnin shëtitje.
E kam një kilometër larg nga këtu dhe një ditë më përpara neve në mbrëmje kishim dalë me nusen për të bërë shopping. Dhe do të dilnim përsëri edhe dje, në të njëjtën orë, domethënë nga ora 4 kur ka ndodhur ajo. Shyqyr Zoti na ka adresuar diku tjetër.”, është shprehur ai.
Gena theksoi se shpërthimi ka shkaktuar mjaft frikë në zonën ku ndodhi ngjarja.
“Gjendja këtu nuk ndihet se ka një jetë normale, por ajo që ka ndodhur aty i përket asaj zone dhe jeta vazhdon si zakonisht si në çdo vend këtu”, deklaroi ai.
