Qendra mjedisore Vizioni i Gjelbër, realizoi takimin informues me banorët e fshatit Vranisht për: – të drejtat ligjore të tyre mbi pasuritë publike, – detyrat e pushtetit vendor, dhe – detyrimet e subjekteve përfituese ndaj komunitetit dhe mjedisit. Banoret u treguan shume aktive gjate takimit.
Ata u prononcuan të gjithë, duke shprehur keqardhjen per moszbatimin e legjislscionit ne fuqi. Gjithashtu, ata shprehen shqetesimin e tyre, te akumuluar prej shumë vitesh, që një pasuri aq e madhe natyrore është larguar dhe për fshatin nuk është bërë asgjë.
Qendra e fshatit është e rënuar dhe e shkatërruar, rruga gjithashtu. Natyra është shpërfytyruar dhe asgjë nuk është rehabilituar. Pushteti vendor është në gjumë, ose bën sikur nuk shikon. Banorët u njohën me të drejtën e tyre ligjore për tu informuar, pyetur dhe dëgjuar nëpërmjet konsultave publike.
Konsultat publike janë detyrim ligjor për tu realizuar nga bashkia dhe institucionet shtetërore. Pushteti vendor ka detyrimin, jo vetëm të lidhë kontrata me këto subjekte, por duhet të përcaktojë qartë në to detyrimin e subjekteve për të investuar cdo vit për fshatin ku ata përfitojnë, si edhe rehabilitimin e detyrueshëm të mjedisit të dëmtuar.
Në kuadër të projektit “Zhdukja e ekosistemeve nga aktiviteti i gurorereve” u realizua informimi i banoreve te fshatit Vranisht me:
– Të drejtat e tyre ligjore mbi pasurite publike, – Detyrat e pushtetit vendor, – Detyrimet e subjekteve perfituese ndaj komunitetit dhe mjedisit.
Aktiviteti eshte pjese e programit Green Al”Fuqizimi i Organizatave të Shoqërisë Civile për Mbrojtjen e Mjedisit në Shqipëri”, i financuar nga Agjencia Ndërkombëtare Suedeze për Bashkëpunim dhe Zhvillim me fondet e Qeverisë Suedeze, i zbatuar nga Co-PLAN Institute for Habitat Development në bashkëpunim me CISP Sviluppo dei Popoli, VIS Albania, COSV – Cooperazione per lo Sviluppo #GreenAL #SIDA #MbrojtjaeMjedisit
