Edhe pse jemi e kulmin e sezonit te plazhit, politika duket se nuk po i shijon siç duhet pushimet. Mazhoranca është në krye të detyrës duke marrë bashkitë e fituara pas votimeve të 30 qershorit ndërsa opozita me takime në bazë.
Por ka dhe si ish ministri Drejtësisë Ylli Manjani që pushimet i ka miksuar me “punën”. Përveçse është aktiv në rrjetet sociale duke ndare opinione për temat e ditës, ditën e sotme Ylli Manjani është fotografuar në Palasë, buze detit veshur me një bluzë të stampuar me mbishkrimin “Rama Ik”.
“Ideatori” është djali i tij, Redi i cili para një muaji, mikut të familjes dhe gazetarit Elio Laze i dhuroi për 30 vjetorin e lindjes pikërisht një bluzë me mbishkrimin “Rama Ik”. Mesaduket janë stampuar 3 bluza të tilla, njërën prej te cilave Ylli Manjani e veshi sot në plazh.
