Më datë 23.02.2020, në varrezat e dëshmorëve në Prizren, u zhvillua ceremonia e 6-të përkujtimore e heroit të Kosovës Muharrem Dina (Mixhës), me pjesëmarrjen e Z. Leonard Beqiri (Komandant VLORA), Gjeneralit Z.Enver Cikaqi (Zv. Shef i shtabit të TMK-së, Ambasadori i Kosovës në Shqipëri, Z. Nahit Hasani, Z. Halil Çadraku, Z. Salih Gjonbalaj, Z. Fadil Fazliu, Z. Bahtjar Hoti njeriu i pa ndashëm gjatë rrugëtimit të Mixhës, familjarë të heroit, shumë familjarë të dëshmorëve si dhe veteran të UÇK-së.
Muharrem Dina!
Përfaqësues dhe simbol i UÇK-së së lavdishme, sot po përulem me respekt dhe krenari përpara punës dhe veprës së tij heroike në shërbim të Kombit. Një krenari që na buron vetiu në gjithë qënien tonë për faktin se heroi Kombit Muharrem Dina i përkushtoi gjithçka për idealin më të madh të jetës, çlirimit të Kosovës. Kam patur fatin e madh me Mixhën të jem bashkëudhëtar i sakrificave dhe përpjekjeve të tij për furnizimin dhe organizimin e njësiteve dhe strukturave të para që do të ishin baza e UÇK-së në vitet 89-92’. Kujtesa historike po e lartëson këtë njeri që emrin Kosovë e ktheu në Shenjtëri. Lavdi heroit të Kombit Muharrem Dina, lavdi heronjëve të Kosovës, lavdi Ushtrisë Çlirimtare të Kosovës.
