Kjo kasolle në mes të pyllit nuk shërben për të sistemuar veglat bujqësore, as për bagëtinë. Prej 12 vjetësh në brendësi të saj jetojnë nënë e birë, të cilët bashkëjetojnë me zvarranikët dhe kafshe të egra. E ndërtuar me dru dhe plasmas, kjo kasolle e gjendet ne fshatin Dertilë anës aksit Elbasan-Gjinar. Pas martesës së dështuar vite me parë 34 vjecarja Alma Derstila ndonëse e sëmurë ka marrë kujdestarinë e djalit. Edhe pse prindërit i janë bërë krah, nuk ka mundur të sigurojë asgjë vecse këtë strehë. Nëna me lot në sy kërkon që dikush ti hedh sytë nga vajza dhe nipi i saj.
Për 34 vjecaren jeta nuk ka qënë aspak e lehtë. Disa herë ka tentuar ti japë fund jetës, por kanë qënë prindërit që e kanë rikthyer në jetë. Ajo lutet që të paktën djali i saj të ketë një strehë të ngrohtë, pasi në Derstilë dimri bën i ashpër, lutje e cila pasohet nga vetë i mituri.
Pavarësisht se kanë 12 vite që jetojnë mes pyllit asnjëherë shteti nuk ka kthyer kokën pas për ta ndihmuar këtë familje në vështirësi. Ndonëse prindërit e Almës kanë trokitur disa herë në dyert e bashkisë përgjigja që kanë marrë ka qënë e njëjtë.
Një familje modeste mes morisë së halleve lëngon dhe shtrin dorën për ndihmë. Cdo gjë rreth tyre është e vjetër, ndërsa frymën e mbajnë me ato pak fruta dhe perime që zona prodhon. (FAXNEWS)
