Tradita zakonore shqiptare ka treguar se shoqëria jonë festonte sa herë që në jetë vinte një djalë.
Dhe e kundërta ndodhte nëse ishte vajzë, ku dita dhe nata do të kalonin në heshtje njësoj sikur të kishtë ndodhur ndonjë hidhërim.
Edhe pse kohët kanë ndryshuar, dëshira për të pasur djalë ka sjell një tjetër fenomen, atë të abortit selektiv.
Shqiptarët vazhdojnë edhe sot e kësaj dite të jenë në kërkim të djalit.
Djali do të thotë fitore, vajza humbje.
Rastet e nënave, që detyrohen të abortojnë vetëm e vetëm se është vajzë, janë të shumta, megjithëse kjo gjë ndalohet me ligj.
Një studim i fundit në vend tregon të dhëna të frikshme për abortin selektiv.
Që nga viti 1990 e deri më sot, në Shqipëri janë 33 mijë vajza të munguara, sipas tch.
Mjekja Rubena Moisiu, ish-drejtoreshë materniteti, shprehet se:
“Ne mbajmë vendin e parë në Europë”
Aborti selektiv jo gjithmonë vjen si kërkesë direkte, shumë nëna e fshehin atë duke shkatuar vetë abortin spontan.
