Aktivisti Zirkon Disha, ka ironizuar selinë e Kryeministrisë, për mënyrën se si është katandisur, ku në krahë të saj është ngulur një kërpudhë, ndërkohë që dritat që herë fiken e herë ndizen e bëjnë të duket herë si kazino e herë si bordello.
Me anë të një video “live” në rrjetin social “Facebook”, Disha i përgjigjet Kryeministrit për heqjen e shqiponjës nga sheshi me të njëjtin emër, por filmimi i Kryeministrisë ka irrituar një gardist, i cili është përplasur verbalisht me aktivistin, duke i kërkuar jo vetëm që të mos filmojë, por edhe duke e kërcënuar se do t’i thejë telefonin.
Video:
Pas kësaj, ai është shoqëruar nga dy efektivë të rajonit numër 1 të kryeqytetit, të cilët sipas Dishës e kanë kuptuar se ai nuk po bënte asgjë të kundërligjshme dhe e kanë lënë të lirë pas sqarimit të situatës.
Në sqarimin e tij Disha tregon rreth incidentit ndërsa shprehet se është kërcënuar nga gardisti i cili ka marrë të gjitha të dhënat e tij për informim.
“Sapo u sqarova me policinë e rendit. Ishin dy policë të rajonit numër 1, të cilët më dhanë të drejtë për atë çfarë po bëja sepse nuk kisha thyer asnjë ligj. Unë po filmoja në një ambient publik. Mesazhi besoj se ishte i qartë, ndërsa punonjësi i Gardës në mënyrë arbitrare dhe krejt agresive më kërcënoi. Mori gjithë të dhënat e mia për të verifikuar identitetin tim. Është për të ardhur keq sjellja e tij dhe me çfarë autoriteti ai veproi në atë mënyrë. Gjithsesi vazhdoj të jem i lirë”,- ka thënë Disha.
Video 2:
