Sot u nënshkruan nga Ministria e Ekonomisë dhe Financave dhe Banka Gjermane për Zhvillim KFW programi më i madh i financimit në sektorin e ujit në Shqipëri. Do të investohen 125.6 milionë euro të cilat do të sjellin ndryshime të prekshme në përmirësimin e kushteve të jetesës për rreth gjysmën e popullsisë urbane në Shqipëri, dhe do të nxisin zhvillimin ekonomik dhe mbrojë mjedisin.
Më tej do të përmirësohet performanca financiare dhe teknike e ndërmarrjeve të ujësjellës-kanalizimeve në Shkodër, Lezhë, Kamëz, Fier, Berat, Kuçovë, Elbasan dhe Vlorë. Programi gjithashtu kontribuon në përafrimin e Shqipërisë me udhëzimet e EU-së për ujin e pijshëm dhe ujërat e zeza. Paketa e financimeve e nënshkruar sot financohet nga Republika Federale Gjermane nëpërmjet KfW-së, nga Bashkimi Evropian dhe Zvicra.
