Duket se problemet për Neymar nuk kanë mbaruar. Vetëm një javë më parë, futbollisti u shfaq në rrjetet sociale për t’i kërkuar falje partneres së tij, Bruna Biancardi, për tradhtinë e tij.
Ai kërkoi një ndjesë të sinqertë dhe dukej se me të vërtetë ishte penduar.
Megjithatë, Neymar duket se nuk ka mundur të mësojë mësimin e tij. Pasi e dashura e fali për tradhtinë, braziliani ka vazhduar me të njëjtin qëndrim.
Të paktën kështu thotë modelja Celeste Bright, e cila ka kritikuar qëndrimin e Neymar në Instagram.
Ajo ka postuar një screenshot të një bisede me lojtarin e Paris Saint-Germain, i cili i ka dërguar një emoji të duarve që duartrokasin.
“Nuk e dija kush ishte ky person para kësaj”, ka postuar Bright në Instagram.
“Jam lodhur duke parë mesazhe të tilla nga meshkujt që kanë gra apo të dashura. Nuk është i vetmi. Mendoj se edhe vajzat e tjera duhet t’u japin më shumë zë këtyre gjërave.”, thotë ajo.
Madje, Celeste Bright postoi një mesazh për ndjekësit e saj meshkuj, të cilët përbëjnë pjesën më të madhe të një milioni që ajo ka në rrjetin social.
“Djema bëhuni më mirë se ne meritojmë më mirë”, ka përfunduar ajo.
