Shqipëria dhe Franca do të përballen ditën e nesërme në orën 20:45, në sfidën e vlefshme për eliminatoret e Europianit.
Një përballje historike për kombin shqiptar, pasi kujtojmë që ditën e nesërme do të inaugurohet edhe stadiumi i ri “Air Albania.
Në vigjilje të sfidës do të mbahet edhe një ceremoni madhështore ku do të përformojnë një mori artistësh shqiptarë. “Anabel” ka zbuluar se spektakli që i paraprin ndeshjes, i realizuar nga producenti Ardit Gjebrea, do të hapet me performancën e Era Istrefit. Era do të këndojë këngën zyrtare të FIFA World Cup 2018, “Live it up”.
Pas Era Istrefit, do të jetë radha e Florit me këngën “Kuq e Zi je ti”, pa Elvana Gjatën.
Në këtë mbrëmje historike nuk mund të mungonte as Aurel Gaçe e cila do të këndojë “Xhamadanin vija vija”, si dhe Juliana Pasha që do të këndojë “Himnin e flamurit”. Për sa i përket humnit francez “La Marseillaise”, ai do ti besohet Besa Kokëdhimës, që ka studiuar dhe jetuar në Francë.
