Vrasja e shqiptaro-grekut Kostandinos Kaçifas ka sjellë një delegacion policor grek në Tiranë.
Ata kanë ardhur për të kërkuar informacione në lidhje me këtë ngjarje.
Burime zyrtare nga policia thanë se drejtori i Përgjithshëm i Policisë së Shtetit, Ardi Veliu ka pritur sot delegacionin e policisë greke.
Gjatë takimit përfaqësuesit e dy policive shkëmbyen informacion mbi operacionin ku mbeti i vrarë Kostandinos Kaçifas.
Gjithashtu gjatë takimit u diskutua mbi forcimin e bashkëpunimit mes dy policive në të ardhmen.
