Avokati Spartak Ngjela ka bërë deklaratën e fortë duke thënë se kreu i qeverisë Edi Rama, do të ekstradohet nëse vërtetohet se ka lidhje ashtu siç flitet me ish-agjentin e FBI-së Charles McGonigal, i cili është arrestuar pasi dyshohet se ka bashkëpunuar me një oligark rus.
Në një intervistë për Euronews Albania, ai theksoi se çështja penale për Ramën është hapur në SHBA e ndaj atje do të hetohet, e jo në vendin tonë.
“Çështja penale ka filluar në SHBA, do ekstradohet Rama apo jo është punë e tyre. Ti nuk mund të fillosh dot një proces që ka filluar në SHBA. Krimi ka ndodhur atje. Vepra penale ka ndodhur në Amerikë e jo këtu. Se lë e drejta ndërkombëtare”- tha ai.
